Shubh sukh chain ki varsha barsay, Bhaarat bhaagya hai jaaga!
Punjab, Sindh, Gujarat, Maratha, Draavid, Utkal, Banga –
Chanchal saagar, Vindhya, Himalay, neela Yamuna Ganga –
Teray nit gun gaayen, tujhsay jeevan paayen,
Sab jan paayen aasha !
Sooraj ban kar jag mein chamkay, Bhaarat naam subhaaga !
Jai ho, jai ho, jai ho – Jai-jai-jai-jai-ho !!

Sab kay dil mein preet basaaye teri meethi baani –
Har soobay kay rehnay waalay, har mazhab kay praani –
Sab bhayd aur farq mitaakay, sab goad mein teri aakay,
Goondhein prem ki maala!
Sooraj ban kar jag mein chamkay, Bhaarat naam subhaaga !
Jai ho, jai ho, jai ho – Jai-jai-jai-jai-ho !!

Subah saberay pankh pakheru teray hi gun gaayen –
Baas bhari bharpoor hawaayen jeevan mein ritu laayen –
Sab milkar Hind pukaaray, “Jai Aazaad Hind” kay naaray,
Pyaara desh hamaara !
Sooraj ban kar jag mein chamkay, Bhaarat naam subhaaga !
Jai ho, jai ho, jai ho – Jai-jai-jai-jai-ho !!

 

or write to General Secretary biswasd.aifb@yahoo.co.in    or  biswasd@sansad.nic.in